Hafa samband:

Smiðjuloftið er glænýtt afþreyingarsetur staðsett á Smiðjuvöllum 17 á Akranesi. Á Smiðjuloftinu er að finna glæsilegan klifursal með grjótglímu- og línuklifurveggjum. Á efri hæðinni er notaleg aðstaða með eldhúsi, borðum og stólum þar sem hægt er koma saman með léttar veitingar. Þar er einnig svið og hljóðkerfi.

Á Smiðjuloftinu má finna einstaka blöndu af orku, upplifun og afþreyingu fyrir hópinn þinn. Endalausir möguleikar á útfærslu. Tilvalið fyrir t.d. saumaklúbba, vinahópa, fundi, starfsmannaferðir, óvissuferðir, fjölskyldur og alla sem langar að eiga saman góða, gefandi stund.

Fólkið á Smiðjuloftinu

Eigendur Smiðjuloftsins eru hjónin Valgerður Jónsdóttir og Þórður Sævarsson.

Valgerður er menntuð söngkona og tónmenntakennari með yfir fimmtán ára reynslu af tónlistarvinnu með börnum og fullorðnum.

Þórður er íþrótta- og heilsufræðingur Msc. Hann hefur starfað við kennslu og íþróttaþjálfun í fjölda ára og er stofnandi og þjálfari Klifurfélags ÍA.

Þau hjónin hafa unnið saman í tónlistinni frá unglingsaldri, samið ógrynni af tónlist og textum og komið víða fram á Íslandi, í Danmörku og Bandaríkjunum.